សាខាកាកបាទក្រហមកម្ពុជាខេត្តសៀមរាប បាននាំយកអំណោយមនុស្សធម៌ជូនដល់ក្រុមគ្រួសាររងគ្រោះដោយអគ្គីភ័យឆេះ
នៅរសៀលថ្ងៃពុធ ១២កើត ខែមិគសិរ នព្វស័ក ព.ស ២៥៦១ ត្រូវនឹងថ្ងៃទី ៣០ ខែវិច្ឆិកា ឆ្នាំ២០១៧ លោកជំទាវ គួយ ណាលីន ឃឹមប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប បាននាំយកអំណោយមនុស្សធម៌ជូនដល់ក្រុមគ្រួសាររងគ្រោះដោយអគ្គីភ័យឆេះលំនៅដ្ឋានចំនួន៦ខ្នង កាលពីវេលាម៉ោង ០៩:១៥នាទី ថ្ងៃទី ៣០ ខែវិច្ឆិកា ឆ្នាំ២០១៧ ស្ថិតនៅភូមិចុងឃ្នៀស សង្កាត់ចុងឃ្នៀស ក្រុងសៀមរាប។
អំណោយមនុស្សធម៌ដែលបានផ្ដល់ជូន១គ្រួសារទទួលបាន៖ -មុង១ -ភួយ១ -សារុង១ -ក្រមា១ -កន្ទេល១ -មី១កេស -ត្រីខ១យួរ -ឆ្នាំង១ -ចាន៥ -ស្លាបព្រា៥ -ធុងទឹក១គូ -ស័ង្គសី១០សន្លឹក -អង្ករ២៥គីឡូក្រាម និងថវិកា២០ម៉ឺនរៀល ។
ជាមួយគ្នានេះដែរព្រះចៅអធិការវត្ត ភ្នំក្រោម និងព្រះចៅអធិការវត្ត អារញ្ញសាគរ បានប្រទាននូវទេយ្យទានមួយចំនួនផងដែរសម្រាប់គ្រួសាររងគ្រោះ៕
0 comments:
Post a Comment