ស្ពានជ្រោយចង្វាចាស់ នឹងបិទជាផ្លូវការ នៅពាក់កណ្ដាលខែកញ្ញា..
ពាក់កណ្តាល ខែកញ្ញា ២០១៧ ស្ពានជ្រោយចង្វាចាស់នឹងត្រូវបិទជាស្ថាពរ ដោយសារត្រូវជួសជុលឡើងវិញ។ នេះបើតាមទំព័រហ្វេសប៊ុកផ្លូវការរបស់ក្រសួងសាធារណការ និងដឹកជញ្ជូន។
តាមប្រភពដដែលបានឱ្យដឹងថា ថ្ងៃទី២៥ ខែកក្កដា ឆ្នាំ២០១៧ នៅក្រុងតុក្យួ ប្រទេសជប៉ុន ឯកឧត្ដម តូច ចាន់កុសល រដ្ឋលេខាធិការ ក្រសួងសាធារណការ និងដឹកជញ្ជូន បានចុះហត្ថលេខាលើកិច្ចព្រមព្រៀងមួយ ស្ដីពីគម្រោងស្ដារស្ពានជ្រោយចង្វាចាស់ឡើងវិញ រវាង ក្រសួងសាធារណការ និងដឹកជញ្ជូនកម្ពុជា និង ក្រុមហ៊ុនសាជីវកម្ម អូបាយ៉ាស៊ិជប៉ុន (Obayashi Corporation of Japan)។
គម្រោងនេះគឺជាជំនួយឥតសំណងរបស់រដ្ឋាភិបាលជប៉ុន តាមរយៈភ្នាក់ងារប្រតិបត្តិការអន្តរជាតិជប៉ុន (JICA) នឹងចាប់ផ្ដើមនៅពាក់កណ្ដាល ខែកញ្ញា ឆ្នាំ២០១៧៕
អត្ថបទ៖ ថោ ច័ន្ទឬទ្ធិ
0 comments:
Post a Comment