ព្រឹកថ្ងៃទី ២៩ មីនា ២០១៧ លោកប្រធាន គឹម ប៉ុណ្ណា បានចុះត្រួតពិនិត្យ និង ជម្រុញការងារស្ពានថ្មព្រះរាជដំណាក់ទី២។

 ព្រឹកថ្ងៃទី ២៩ មីនា ២០១៧ លោកប្រធាន គឹម ប៉ុណ្ណា បានចុះត្រួតពិនិត្យ និង ជម្រុញការងារស្ពានថ្មព្រះរាជដំណាក់ទី២ ដេីម្បីត្រៀមសម្ពោធ ដាក់អោយប្រេីប្រាស់ជាផ្លូវការដើម្បីសម្រួលដល់ការធ្វើចរាចរណ៍ របស់ប្រជាពលរដ្ឋ ជាភ្ញៀវជាតិ-អន្ដរជាតិ ដែលនឹងមកកំសាន្ដខេត្ដសៀមរាប ក្នុងឪកាសបុណ្យចូលឆ្នាំប្រពៃណីជាតិខ្មែរ ឯកឧត្ដម ស៊ុន ចាន់ថុល ទេសរដ្ឋមន្ដ្រី រដ្ឋមន្រ្ដី ក្រសួងសាធារណការ និងដឹកជញ្ជូន នឹងអញ្ចើញជាអធិបតី ក្នុងពិធីសម្ភោធឲ្យប្រើប្រាស់ជាផ្លូវការ ស្ពានព្រះរាជដំណាក់ទី២ នាក្រុងសៀមរាប នៅថ្ងៃទី០២ ខែមេសា ឆ្នាំ២០១៧ ខាងមុខនេះ។

 

 ចង់ជម្រាបត្រួសៗ ស្តីពីទិសចរាចរណ៍ នៅចំណុចគល់ស្ពានថ្មព្រះរាជដំណាក់សម្រាប់អ្នកបេីកបរអនុវត្តន៍ ក្រោយសម្ពោធដាក់អោយប្រេីប្រាស់ ដូចតទៅ :
1- ទិសមកពីភ្នំពេញមកដល់គល់ស្ពានថ្មថ្មី អាចទៅត្រង់ និង បត់ស្តាំ បាន ហាមបត់ឆ្វេង និង បត់ត្រឡប់ក្រោយ ។ ពេលឆ្លងស្ពានអាចបត់ស្តាំ ឬ ឆ្វេងបាន តែហាមទៅត្រង់ ។
2- ទិស មកពីបន្ទាយមានជ័យពេលមកដល់គល់ស្ពានថ្មចាស់អ្នកបេីកបរអាចបត់ស្តាំ ទៅត្រង់ នឹង អាចឆ្វែលរង្វង់មូលរួចបត់ឆ្វេងបាន ។ ពេលឆ្លងស្ពានអ្នកបេីកបរមិនអាចបត់ឆ្វេង ឬស្តាំបាន គឺបានតែទៅត្រង់ ។
3- ទិសមកពីត្បូង ខាងកេីតស្ទឹង អ្នកបេីកបរ មិនអាចបត់ឆ្វេង ឬ ទៅត្រង់បានទេ គឺបានតែបត់ស្តាំដាច់ខាត ។
4- ទិសមកពីខាងជេីងខាងកេីតស្ទឹង អ្នកបេីកបរមិនអាចទៅត្រង់ឬបត់ឆ្វេងបានទេ គឺបានតែបត់ស្តាំតែម៉្យាងគត់។
5- ទិសមកពីអង្គរវត្តពេលមកដល់រង្វង់មូលព្រះនាងនាគី អ្នកបេីកបរមិនអាចបត់ស្តាំបានទេ ។ តែអាចទៅត្រង់រ៉បខាងលិចស្ទឹង នឹងឆ្វែលរង្វង់មូលឆ្លងស្ពានថ្មចាស់ និង បត់ត្រឡប់ក្រោយបាន ។

នេះជាផ្លាកសញ្ញាហាមបត់ត្រឡប់ក្រោយ ចំពោះយានយន្តគ្រប់ប្រភេទ ។ 
សម្រាប់ខេត្តសៀមរាប បើយើងមកពីភ្នំពេញដល់ស្តុបកោះកេរ្តិ៍ រួចបន្តមកដល់គល់ស្ពានថ្មព្រះរាជដំណាក់ បើសិនចង់បត់ឡើងទៅស្តុបវិញត្រូវហាមឃាត់ ។ តែអាចបត់បានលុះត្រាណាតែឆ្លងស្ពានថ្មថ្មីរួចបត់ឆ្វេងតាមរង្វង់មូលព្រះនាងនាគី ឡេីងមកតាមស្ពានថ្មចាស់វិញ Ok.

 

Posted in: ការិយាល័យរដ្ឋបាល,ព័ត៍មានផ្សព្វផ្សាយ,សណ្ដាប់ធ្នាប់,សេចក្ដីប្រកាស